ලෝක කුසලානයට ක්‍රීඩා කළ ද. අප්‍රිකානු පාපන්දු ක්‍රීඩක ජේඩන් ඇඩම්ස් ජීවිතක්ෂයට

2026 ලෝක කුසලාන පාපන්දු තරඟාවලියේදී දකුණු අප්‍රිකානු කණ්ඩායම ක්‍රීඩා කළ මූලික වටයේ (Group stage) තරඟ තුනටම සහභාගී වූ මැදපෙළ ක්‍රීඩක ජේඩන් ඇඩම්ස් (Jayden Adams) අභාවප්‍රාප්ත වී ඇති බව එරට ක්‍රීඩා අමාත්‍යාංශය තහවුරු කර තිබෙනවා.

ඔහුගේ මරණයට හේතුව මෙතෙක් ප්‍රකාශ කර නොමැත.

මිය යන විට ඔහුගේ වයස අවුරුදු 25 කි.

සෙනසුරාදා උදෑසන කේප් ටවුන් මධ්‍යම ප්‍රදේශයේ තදාසන්න ප්‍රදේශයක් වන ෂොට්ස්චෙක්ලූෆ් හි පිහිටි නිවසක තිබියදී ඔහුගේ සිරුර හමුව තිබේ.

දැනට පැවැත්වෙන ෆිෆා (FIFA) ලෝක කුසලාන තරගාවලියේදී දකුණු අප්‍රිකාව නියෝජනය කළ ඇඩම්ස්, කණ්ඩායම 16 දෙනාගේ වටයේදී කැනඩාව හමුවේ පරාජය වූ තරගය මගහැරීමට පෙර මූලික වටයේ පැවැති කාණ්ඩයේ තරග තුනටම ක්‍රීඩා කරන ලදී.

දකුණු අප්‍රිකාව සහ චෙක් ජනරජය අතර තරඟය පැවැත්වීමට දිනකට පෙර ඔහුගේ මිත්තණිය අභාවප්‍රාප්ත වී තිබූ අතර, එම තරඟයේ පළමු අර්ධයෙන් පසුව ඔහු වෙනුවට වෙනත් ක්‍රීඩකයෙකු ආදේශ කිරීමට කටයුතු කෙරුණි.

ඔහුගේ මරණයට හේතු වූ පසුබිම් තත්ත්වයන් පිළිබඳව විමර්ශන කටයුතු තවදුරටත් ක්‍රියාත්මකය.

"දකුණු අප්‍රිකානු පාපන්දු ක්‍රීඩාවට දක්ෂ ක්‍රීඩකයෙකු, මෙන්ම තව බොහෝ දේ දායාද කිරීමට තිබූ තරුණ ජීවිතයක් අහිමි වී තිබෙනවා," යනුවෙන් දකුණු අප්‍රිකානු පාපන්දු ක්‍රීඩකයින්ගේ සංගමය (SAFPU) ප්‍රකාශයක් නිකුත් කරමින් සඳහන් කර තිබේ.